Monday, April 2, 2007

Kash us waqt na hua hota DC

Mahino se khak chhan raha tha NET ka
Kursi pe size badh gaya mere PET ka

Koi larki na thi bat karne ko taiyar
Ho eid diwali ya koi bhi tyohar

Bari muskil se ik larki mili
Meri to jaise koi lottery khuli

Hi, Hello Se baat badhi bi na thi
unse dosti abhi huee bhi na thi

Unko jana maine abhi kuchh bhi na tha
Pehchana unko maine ab tak na tha

Net ne diya dhoka, Hua main youn DC
Jaise June ke mahine bigar jaye AC

Gussa Itna aya bata na sakoon
Dil ka dard ab main suna na sakoon

Kee lakhon Minnat, Duaen mangi maine
laptop tod dunga, kasam khhayi maine

Tabhi wapas Aa gaya internet aise
Ik marte hue ko mile amrit jaise

Maine jaldi se fir LOG IN kiya
Ek glass thanda pani piya

Unko dhundha fir se kaha maine HI
Unhone poochha ap ho kaun BHAI

Gussa aya kitna, karoon kya bayaan
kitne sapne dekh baitha tha main yahan

Maine keyboard pe sar apna patka
Fir chatting ka bhoot pas na fatka

Kash us waqt na hua hota DC
Kuchh baat banti, gar na hota main DC

2 comments:

Nidhi Bajaj said...

Affi please aisi poems likhte rehna... zindagi wakai me ik mazak hai. aapki ye koshishein kai rote chehron er muskurahat le aayen shayad.

Piyush k Mishra said...

hi hi hi
chal ek ladki ki life bach gayee DC hone se